Қазақстан Республикасы Премьер-Министрі Кәрім Мәсімовтің Францияға ресми сапарының барысында Парижде Қазақстан мен Францияның астаналары арасында әуе қатынасы мәселесі туралы хаттамаға қол қойылды.
Бұл құжаттың қабылдануының алдында Қазақстан Республикасы көлік және коммуникация министрі Берік Камалиев пен Франция Республикасының қоршаған орта, тұрақты даму, көлік және тұрғын үй министрі Мариани Тьердің тікелей араласуымен орасан жұмыс атқарылды. Оның сыртында, екі елдің авиациялық биліктері арасында біраз келіссөздер жүргізілген болатын.
Бұл маңызды құжатқа қол қойылуымен екі елдің бас қалалары - Астана мен Париж арасында тұрақты рейстер ашудың құқықтық негізі жасалды.