А. Дербісәлі баспасөз мәслихаты барысында дәстүрлі мерекелік намаз - айт намазы Алматыда жергілікті уақыт бойынша 8 сағат 45 минутта басталатындығын хабарлады.
Бас мүфти құрбан шалу мейрамы үш күнге созылатындығын және әлемдегі мұсылмандардың басты мейрамы екендігін атап өтті. Ол жыл сайын хижра - мұсылман (ай) күнтізбесі бойынша зуль-хиджа айының оныншы жұлдызында басталатындығын еске сала кетті. Бұл мұсылмандар қажыға баратын қажылық айы. "Құрбан шалу мейрамы көп ғасырлар бұрынғы оқиғалармен байланысты және осы күні адамдар достық, тыныштық және келісім туралы дұға қылады", - деді бас мүфти.
Бас мүфти барлық қазақстандықтарға бақыт және амандық тіледі.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті