Спорт ойындары ашылуының шеруіне Қазақстан, Әзірбайжан, Қытай, Ресей, Тәжікстан, Түрікменстан және ойынды ұйымдастырушы Қырғызстанның құрамалары қатысты.
Жогорку Кенеш төрағасы А.Келдібеков спортшыларды қырғыз жеріне келулерімен құттықтады. Өзінің сөзінде ол: «Халықаралық Ыстықкөл ойындары дәстүрге айналды. Бұл шара қатысушылардың, жанкүйерлердің және көрермендердің бір-бірімен танысып, тәжірибе алмасуына және жеңістер қуанышын бөлісулеріне мүмкінік береді. Спорттық додаға қатысушылар георграфиясы кеңейіп келе жатқаны қуантады. ТМД мен Ресей аймақтары қатыса бастаған бұл ойындарға енді ШЫҰ елдерінің спортшылары да қосылуда. Біз мұнда басқа да халықаралық және аймақтық ұйымдар қатысушыларын күтеміз. Бұл ойындар «Азия - ынтымақтастық пен бейбітшілік аймағы» ұранын орындай отырып, достас елдер спортшыларын молынан қамти берсін» - деді.