Ресейдің Төтенше жағдайлар министрлігінің ақпарат және қоғамдық байланыс бөлімі бастығының орынбасары Елена Кравчуктің хабарлауынша, апат кеше Алейск - Барнаул федералдық тас жолының 99-шақырымында болған. МАЗ жеңіл көлігі мен "ГАЗель" микроавтобусы соқтығысқан. Көлік апатының салдарынан оқиға болған жерде бес адам қайтыс болды, оның біреуі - бала. Тағы бес адам жарақаттанған.
"Апат болған жерге жедел-тергеу тобы, сондай-ақ прокуратура өкілдері келіп жеткен. Нақты ахуал және апатқа кінәлі адамдар туралы нақты мәліметтер жоқ",- деп қосты ол.
"Бізге келген ақпараттарға сүйенсек, қайтыс болғандардың барлығы Алтай өңірі мен Новосибирск облысының тұрғындары. Алдын ала берілген мәліметтерге сүйенсек, олардың арасында қазақстандықтар жоқ",- деп нақтылады Е. Кравчук. Ол сондай-ақ, "мәліметтер әлі де өңделіп жатыр", деп қосты.
Қазір зардап шеккендер Топчихинск ауданының орталық ауруханасында жатыр.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті