"ҚР үкіметінің 2008 жылдың 19 шілдесіндегі № 711 қаулысымен 2008-2010 жылдарға арналған ҚР Мемлекеттік тұрғын үй бағдарламасы бойынша салынған тұрғын үйлерді жергілікті атқарушы органдардың сату ережесін бекітті", - деп хабарлайды үкіметтің баспасөз қызметі.
Ережеге сәйкес, облыстардың, Астана және Алматы қалаларының жергілікті атқарушы органдары тоқсан сайын, есептік кезеңнен кейінгі айдың 10-жұлдызынан кешіктірмей тұрғын үйлерді сатқаны жөніндегі ақпаратты ҚР Индустрия және сауда министрлігі және Қаржы министрлігіне ұсынуы тиіс.
ҚР Әділет министрлігіне республика заңдарына сәйкес, жылжымайтын мүлікке меншік құқын тіркеу жөніндегі жұмыстарды ұйымдастыру жүктеледі.
Баспасөз қызметінің хабарлауынша, қаулы алғашқы ресми жарияланған күнінен бастап 10 күн өткеннен кейін күшіне енеді.