Рейтингке сәйкес бағасы бойынша ең қолжетімді Қазақстан университеттері болып табылады. Бұл елде бір жыл оқуға бір студентке 4,5 мың доллар кетеді, мемлекеттік ЖОО-ларда бұл көрсеткіш жылына 500- доллардан басталады. Қазақстанда бір студенттің тұратын орны және күнделікті шығыны 4 мың долларды құрайды.
Рейтингте жоғарғы білім беру жүйесі қымбат елдер арасында бірінші орынға АҚШ шықты. Зерттеудің нәтижесіне сәйкес, АҚШ ЖОО-ларында оқыту бағасы жылына 23 мың долларды құрайды, бір студенттің тұратын орны 15 мың доллардан басталады.
Жоғарғы білім беру жүйесі қымбат елдер арасында екінші орында Канада, Швейцария және Аустралия тұр.
Канадада оқыту бағасы 20 мың доллар, бір студенттің тұратын орны — 14 мың долларды құрайды. Швейцарияда оқыту бағасы жылына 7 мың долларға жуық,тұратын орынға — 20 мың доллар төленеді. Аустралиялық ЖОО-ларда оқыту бағасы жылына 12 мың доллар, тұратын орынға жылына 13,5 мың доллар жұмсалады.