"Ел экономикасының бұрындары жинақтаған беріктік қоры мен үкімет тарапынан қолданған шаралар бірінші тоқсанда Жалпы ішкі өнімнің өсімін 105,3% деңгейінде қамтамасыз етуге мүмкіндік берді. Бұл болжанған 5 - 7% параметрге сай келеді", -деді Б. Сұлтанов.
Экономика және бюджетті жоспарлау министрі бұған қоса "2008 жылдың қаңтар-наурчз айларында инфляция деңгейі 2007 жылдың желтоқсанына шаққанда 2,5% құрағанын, бұл өткен жылғы тиісті мерзіммен салыстырғанда 0,1%-ға аз екенін" атап өтті.
Оның мәліметінше, өнеркәсіп өнімінің өсімі бірінші тоқсанда 3,7% болды, осы орайда өңдеу өнеркәсібінің өсім қарқыны біраз төмендеген, атап айтқанда, түсті металл мен құрылыс материалдарын өндіру өсімінің төмендеуі есебінен өңдеу өнеркәсібінің өсім қарқыны 1,2%-ға кеміді.
"Өнеркәсіптік өнімнің өсімі 3,7% құрады, соның ішінде тау-кен өнеркәсібінде - 6,8% болды. Өңдеу өнеркәсібінің өсім қарқыны 1,2%-ға төмендеген, негізінен түсті металл өндірісі өсімінің қарқыны 3,5%-ға, азық-түлік өнімдерінің өсімі 4%-ға және құрылыс материалдарын өндіру өсімінің қарқыны 21,7%-ға төмендеді", - деді Б. Сұлтанов.
Министрдің айтуынша, "өндіріс көлемінің азаюына қарамастан, жылдың басында, наурыз айында өнеркәсіп өнімінің көлемі алдағы аймен салыстырғанда 10%-ға, соның ішінде өңдеу өнеркәсібінде 10,2%-ға өсті".
Оның мәліметінше, ауылшаруашылығының жалпы өнімінің көлемі өткен жылғымен салыстырғанда 3,7%-ға, негізінен мал шаруашылығы өнімдерінің өсімі есебінен (3,8%-ға) өскен.
"Негізгі капиталға салынатын инвестициялар өсімінің жоғары қарқыны сақталып отыр, бірінші тоқсанның қорытындысы бойынша өсім 16% (өткен жылы 7,1%) құрады", - деді Б. Сұлтанов.
Сонымен бірге, еліміздің экономика және бюджетті жоспарлау министрлігінің мәліметінше, "тұрғын үй құрылысын салу қарқыны баяулағанына қарамастан, 2008 жылдың бірінші тоқсанында жалпы экономикадағы құрылыс жұмыстарының көлемі 8,5%-ға өсті".
Өткен жылғы осы мерзіммен салыстырғанда тұрғын үй құрылысына салынған инвестициялар 38,5%-ға өсті, өткен жылмен салыстырғанда пайдалануға берілген баспана көлемі 3,6%-ға артық.