Бір күндік жарыс қарсаңында Алматы қаласы әкімдігі және «Астана Моторс» КМК компаниясының қолдауымен тартымды вело-шоу ұйымдастырылады.
Спринт-рейстің басты қонағы ретінде «Тур де Франс-2014» веложарысының триумфаторы Винченцо Нибали келеді.
500 метрлік қысқа дистанцияға 8 кәсіби команда: ASTANA PRO TEAM (Қазақстан), TEAM KATUSHA (Ресей), TEAM LA POMME MARSEILLE 13 (Франция), Bardiani (Италия), RUSVELO (Ресей), TEAM NOVO NORDISK (АҚШ), VINO 4-EVER (Қазақстан) және KAZAKHSTAN NATIONAL TEAM (Қазақстан) қатысады.
Оңтүстік астананың әуесқой велосипедшілері де кәсібилер жүріп өткен соң жарысқа шыға алады.
Спринт-рейсте Astana Motors фанаттары әйгілі спортшылармен әңгімелесіп, суретке түсіп, биылғы «Тур де Франста» Винченцо Нибали жеңіп алған велосипедті көре алады. Жарыс сағат 13.00-де Республика алаңында басталады.