1,339 млрд теңгенің нысандары сатылды, деп хабарлады қаржы вице-министрі Руслан Дәленов.
"Биыл жекешелендіруге 305 нысан беру көзделген, саны ұлғайды, алдында 295 болатын. Бүгінгі күнге қарағанда 43 нысан сатылды, оның ішінде тамыз айында 24 нысан", деді Р.Дәленов Астанада сәрсенбіде орталық коммуникациялар қызметінде өткен баспасөз мәслихатында.
"Сатылымның жалпы сомасы бүгінге күнде1,339 млрд теңгені құрап отыр", деді вице-министр.
Р.Дәленовтың айтуына қарағанда, сатып алушылардың ішінде 24 жеке тұлға, 16 заңды тұлға, 1 заңды тұлға резидент емес және 2 жеке кәсіпкер бар.
Құрылымы жағынан сатылған нысандар негізінен қызмет көрсету мен ауыл шаруашылығы секторына жатады.