«Мемлекет басшысының тапсырмасымен, үкіметтің қолдауымен әзірленген жұмыспен қамту бағдарламасы шілде айында жүзеге асырыла бастайды», - деп мәлім етті еңбек және халықты әлеуметтік қорғау министрі Гүлшара Әбдіхалықова дүйсенбі күні кеңесте.
Еңбек министрлігінің мәліметтеріне сәйкес, бұл бағдарламамен 2015 жылы 1,5 млн қазақстандық қамтылады. Ол уақытта кедейшілік деңгейі 6%-ға дейін төмендеп, жұмыссыздық деңгейі 5,5%-дан аспайтын болады.
«Үстіміздегі жылы жұмыспен қамту бағдарламасын пилоттық режимде жүзеге асыруға республикалық бюджеттен 40 млрд теңге бөлінді. 100 мыңнан аса адамды мемлекеттік қолдау шараларымен қамту жоспарланған», - деді министр.