Спорттық кешен әлі қолданысқа берілмеген. Бірақ биыл күзде қыркүйек айында ашылу салтанаты өтуі тиіс. Бизнесменнің осындай тамаша сыйлығы арқасында екі жүздей бала мен ересек адам футбол, бокс, волейбол және күрес секцияларына қатыса алады.
Облыс чемпионы атанған, боксшы Талғат Құланбайдың айтуынша, бұрын ауыл тұрғындары мектептің шағын спортзалында шынығуға мәжбүр болған. Ал, қазіргі салынған кешеннің арқасында емін-еркін жаттығып, болашақта олимпиада медаліне қол жеткізетініне сенімді екенін айтты.