Атап айтқанда, Ақтау қаласының есірткі бизнесімен күрес бөлімінің қызметкерлері Түркіменстан азаматын құрықтаған. Ұсталған азамат тұрған саяжайды тінту барысында 238 граммнан астам героин тәркіленді. Сонымен қатар, Алматыда 219 грамм героин сатпақ болған Ресей азаматы ұсталды.
"Астана - есірткізі қала" бағдарламасының аясында бір апта ішінде есірткіге байланысты 6 қылмыс әшкереленді, оның 3-і есірткі сату және 1-і есірткі тұтынатын орын ұстау дерегі. Жалпы республика бойынша 19 мен 25-ші ақпан аралығында 317 есірткі қылмыстары әшкерленген, олардың 121 есірткі сату дерегі.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті