"Бүгінгі жағдаймен Қазақстандық спортшылар 16 спорт түрі бойынша Пекиндегі Олимпиадаға қатысуға құқық беретін 81 лицензия алды ", - деді вице-министр.
"Маусымның аяғына дейін олардың саны 20 спорт түрі бойынша 100 - 110-ға дейін өсуі мүмкін", -деді Қ. Өскенбаев.
Оның атап көрсетуінше, "осыған байланысты министрлік отандық спортшылардың сайыстарына тұрақты талдау жүргізіп, олардың дайындық деңгейін одан әрі жақсартуға жан-жақты шаралар қолдануда". Атап айтсақ, "жоғары орынға шыға алуы мүмкін 34 үміткер іріктеліп, олармен жеке келісім-шарттары жасалды".
Вице-министр үкіметтің қаулысымен спортшы мен оның жаттықтырушысына бірінші орын үшін $250 мың, екінші орын үшін $150 мың, үшінші орын үшін $75 мың көлемінде бір мәрте сыйақы тағайындалғанын еске салды.