Оларға жасөспірімдер құрамасының аға бапкері Серік Жұмашев жетекшілік етпек. Бұл жарыста ел намысын қорғауды бапкеркер кеңесі мына спортшыларға сеніп тапсырып отыр: Мейрамбек Надирбаев (42 кг), Нұрболат Налтенов (46 кг), Төре Нұрым (50 кг), Аян Алип (54 кг), Вячеслав Фатеев (58 кг), Рахман Шахарбек (63 кг), Хуссеин Акиев (69 кг), Хуссеин Муцольгов (76 кг), Бақдаулет Еспенбетов (85 кг), Аян Біржанов (100 кг). Олар 25-26 тамыз күндері белдеспек.
Былтыр Будапештте өткен чемпионатта қазақстандық грек-рим күресшілері командалық есепте 39 ұпаймен алтыншы орын алған болатын. Онда Мейрамбек Айнағұлов (50 кг) Әлем чемпионы, Мұхаммед Есмұрзаев (58 кг) күміс, Кәріпжан Абылай (54кг) қола жүлдегер атанды.