Пекин Олимпиадасындағы алғашқы белдесуінде біздің спортшымыз ресейлік Асланбек Куштовтан 10:0 есебімен жеңілген болатын. Бірінші ынталандыру белдесуінде италиялық Timoncini Daigoro-дан 4:0 есебімен басым түсті. Екінші белдесуінде 5:4 есебімен литвалық Ezerskis Mindaugas-ды жеңді. Ал үшінші "жекпе-жегінде" ол чехиялық спортшымен кездесіп, екі партияда жеңіске жетті, деп хабарлайды баспасөз қызметі.
Әсет Мәмбетов 1982 жылдың 10 маусымында дүниеге келген. Алматы қаласының атынан сынға түседі. Қазақстанның грек-рим күресінен спорт шебері. Қазақстан Республикасының бірнеше дүркін чемпионы. "Гран-при" сериясының халықаралық турнирлерінің жеңімпазы. Марат Тұрлыханов пен Жаңабай Оспановтардың жетекшілігімен жаттығады.