"Қазіргі уақытта министрлік халықаралық консультанттарды тарта отырып, халықтың ауыз суға қол жеткізуі жөніндегі конвенция жобасын әзірлеуде",- деді Н. Ысқақов.
Ол сондай-ақ, Қазақстан өкілдері "Біріккен Ұлттар Ұйымының тұрақты даму жөніндегі 12-ші комиссиясында халықтың ауыз суға қол жеткізуі жөніндегі БҰҰ жаңа конвенциясын әзірлеп, қабылдау туралы бастама көтергендігін" еске сала кетті.
Қоршаған ортаны қорғау министрі сондай-ақ, су ресурстарының мәселелері алдағы 2010 жылы Астанада өтетін Азия және Тынық мұхиты аймағының елдерінің министрлерінің кездесуінде басты тақырыпқа айналады деп санайды.
"2010 жылы Азия және Тынық мұхиты аймағы елдерінің министрлері жиналады. Менің пайымдауымша, басты мәселелердің бірі ретінде су ресурстарын тиімді пайдалану мәселесі талқыланады",- деді Н. Ысқақов.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті