"ҚазМұнайГаз" әуел бастан-ақ көмірсутегіне қатысы бар барлық іс-қызмет салалары бойынша кем дегенде мемлекет деңгейінде жетекші рөл иеленуге ұмтылған тікелей интеграциялық компания құруды көздеген. Ал болашақ жоспарымыз - ірі халықаралық ойыншыға айналу", - деп мәлімдеді Ұзақбай Қарабалин.
Ол "ҚазМұнайГаз" компаниясы "ҚазақОйл" және "Мұнай және газ транспорты" компанияларының негізінде құрылғанын еске салып өтті. "Сол кездің өзінде-ақ, біздің компаниямыздың жан-жақты профильді, біздің функционалдық бағыттарымыздың көп салалы болуына негіз қаланған болатын. Ал солай істеуге маңызды себептер болған", - деп атап көрсетті компания президенті.
"Дүниежүзінің мұнай-газ қоғамдастығындағы дүниежүзілік басты ағым -көмірсутегін өндірудің жалпы көлемі аясындағы ұлттық компанияның үлесін айтарлықтай өсіру. Егер, ХХ ғасырдың 70-жылдары дүниежүзіндегі ұлттық компаниялардың үлес салмағы 6 пайызды ғана құраса, ХХІ ғасыр басында бұл көрсеткіш 50 пайызға дейін ұлғайды", - деп түсіндірді ол.
Ұзақбай Қарабалиннің пайымдауынша, саладағы ірі бәсекелес компаниялар көмірсутегімен байланысты барлық жұмыстар тізбегін қамтумен сипатталады.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті