Бетіне бетперде киіп, тапаншамен қаруланған бір жігіт ақша айырбастау бөлімшесіне басып кіріп, кассадағы келіншектен ақша талап еткен. Кассир әйел "Күзет" ұйымының пультіне қосылған дабыл тетігін басып үлгерсе керек. Сөйтіп, санаулы уақытта оқиға орнына келіп жеткен мемлекеттік күзет қызметінің жасағы қылмыскерді заласыздандырды. Әлгі Қостанайдағы жоғары оқу орындарының бірінің бұрынғы студенті болып шықты. Тұтқын өзінің бұл әрекетін ақша тапшылығымен түсіндіреді.
Ал тонаушының кассирді қорқытқан тапаншасы пластмассадан жасалған ойыншық болып шықты. Аталмыш дерек бойынша қылмыстық іс қозғалып, тергеу амалдары басталды.