Еліміздің жоғары қадағалаушы мекемесі басшысының осы жөніндегі қаулысы бүгін Алматы қаласы бойынша соттар әкімшілігінің атына жолданды. Онда атап көрсетілгеніндей, үйлері бұзылуға тиіс азаматтарға соттың шешіміне қадағалау тәртібімен қарсы шағым түсіруге уақыт беріп, 2006-жылдың 5-шілдесіндегі "Мүлікті заңдастыруға байланысты рахымшылық жариялау туралы" ҚР заңына сәйкес шағым түсіруге мүмкіндік беру керек.
Бас прокуратураның мәліметіне сәйкес, жалпы алғанда Әуезов аудандық соты Алматы қалалық жер ресурстары басқармасының Шаңырық тұрғындарына қатысты заңсыз салынған үйлерін бұзып, өз бетімен басып алған жер телімдерін қайтару туралы 104 шағымын қанағаттандыруға шешім қабылдаған.