В.Курбатовтың айтуынша, оның сапар мақсаты тек танысу ғана емес, сондай-ақ, "жергілікті жердегі нақты ахуалды бағалау арқылы учаске инспекторларының жұмысын қайта құрудан басталған полицияның іс-қызметін реформалау жұмыстары барысында дұрыс шешім қабылдау болмақ".
Министрдің орынбасары Қостанай аудандық ІІБ-ның жұмысына басты назар аударды. Өйткені, құқық қорғау органдарының жұмысын қайта құру мақсатындағы эксперимент дәл осы аудан базасында жүзеге асырылуда.
Затобольск ауылында орналасқан бөлімшелерді аралап шыққан В.Курбатов Садчиков және Жамбыл ауылдарындағы учаскелік бөлімшелерде болып, одорологиялық зертхананың жұмысымен танысты.
В.Курбатов ҚР ІІМ-де тергеу, анықтау және криминалистика мәселелерін жауаптанады.