"Арнайы кәсіби мамандық игерген қызметкерлер тапшылығы мекеме үшін айрықша өткір мәселеге айналып отыр",- деді ол. Штаттағы қызметкерлер мен арнаулы техникалық құралдар тапшылығы радиациялық көрсеткіші шектен шыққан вагондарға сапалы тексеру жүргізуге кедергі келтіруде дейді А.Ержанов. Дегенмен, оның айтуынша, радиациялық заттар мөлшері шектен шыққан вагондарды жіберуші елдерге (көбінесе Қытайға) кері қайтару көріністерінің азаю ағымы байқалған. Мәселен, 2003-жылы осындай себеппен Қазақстан аумағына жіберілмеген вагондар саны 170-ке жетсе, 2002-жылы бұл сан 226 болған.
Оның айтуынша, осыған байланысты ҚР Кедендік бақылау агенттігі ҚР президенті әкімшілігінің, ҚР үкіметі мен республикалық бюджеттік комиссияның атына кәсіби мамандардың штат санын арттыруға және радиациялық бақылауға арналған техникалық құралдар сатып алуға байланысты алдын-ала есеп-қисап құжаттарын жолдады.