Лицензияның жұмысын тоқтата тұру туралы шешім Алматы қалалық прокуратурасы жолдаған хаттың негізінде қабылданды. Қалалық прокуратураның KZ-today тілшісіне берген түсініктемесіне сәйкес, Алматыдағы орталық базарда сауда-саттықпен шұғылданатын Қытай азаматтарының Қазақстаннан Қытайға аударған 500 млн. теңгесіне қатысты прокурорлық тексеру кезінде еліміз аумағында сауда-саттық және кәсіпкерлікпен айналысудан тапқан қаржыға салық төлемеу деректері анықталған. Ақша аударымдағы Bank of China-ның филиалы арқылы жүзеге асырылған көрінеді.
Е.Бахмутованың айтуынша, лицензия 30-шілдеде тоқтатылды. Банк басшылығы проблеманы шешу жолдарын қарстырып жатыр.