"Құрметті Кәрім Қажымханұлы, "Арселор-Миталл" компаниясының көмір департаментінің төрағасының сіздің атыңызға 2007 жылдың 24 желтоқсанында жіберген хатына назар аудару қажет, онда ол Англия, Германия мен Польшадағы геологиялық ахуалдың Қарағандыдағы жағдаймен бірдей екенін алға тарта келе "Көмір" Әскерилендірілген апаттан құтқару қызметінің тау-кен құтқарушыларының санын қысқартуды ұсынады", -деді В. Божко.
"Осы орайда ол бұл елдерде қауіпсіздікті қамтамасыз ету жүйесінің аса жоғары деңгейде екенін, құрал-жабдықтарды пайдалану мерзімінің бұзылмайтынын, кеншілердің жалақсын біздің елдегімен салыстыруға келмейтінін, ал мұнай қабаттарындағы газдың төмен екендігін естен шығарған кейіп танытады", -деді ол.
Төтенше жағдайлар министрі бұған қоса Ленин атындағы шахтада болған қайғылы оқиғадан кейін "Арселор-Миталл" компаниясына берілген нұсқауларға қарамастан, "компанияның әлемдік деңгейдегі қауіпсіздік жүйесін бүгінгі күнге дейін сатып алмағандығын" атап өтті.