Бұл туралы көрші елдегі БАҚ-қа сілтеме жасап, ҚазАқпарат хабарлады.
Сейсенбі күнгі жер сілкінісінің магнитудасы - 7. Зілзаланың ошағы Сычуань провинцияның Нгава-Тибет-Цян автономды округіндегі Цзючжайгоу уезінде шамамен 10 км тереңдікте орналасқан.
Қазіргі уақытта 19 адамның табиғи апат құрбаны болғандығы анықталып отыр. 343 адам жарақат алған.
Мамандар қаза тапқандар мен жарақат алғандарды іздестіруді жалғастырып жатыр. Айта кетейік, табиғи апат салдарынан Сычуань ауданының 60 мыңнан астам тұрғыны мен туристері қауіпсіз аймақтарға көшірілді.