Баспасөз қызметінің хабарлауынша, облыстық наркологиялық орталықта "соттың шешімімен мәжбүрлі емдеу үшін орталыққа жатқызылған адамдарды жеке үйлерді салу мен оларды қоршап жатқан алаңдарды тазалау мақсатында пайдаланатыны анықталды".
Атап айтсақ, "наркологиялық орталықтың бас дәрігерінің шаруашылық бөлімі жөніндегі орынбасары Т. Кенжебаевтың үйінің аумағында мәжбүрлі емделіп жатқан адам жұмыс істеген".
Сондай-ақ, екі науқас "наркологиялық орталықтың бақылаушысы Н. Толеповтың қадағалауы астында ІІД-нің қызметкері Б. Кұржамбаевтың үйінде жұмыс істеген". Наркологиялық орталықтың бақылаушысы - ІІД-нен іссапармен жіберілген қызметкер болып шықты. Өзінің берген түсініктеме қағазында ол "науқастарды ІІД-нің кадр қызметі басқармасының бастығының орынбасары Б. Курманбаевтың өтініші бойынша қоғамдық жұмыстар үшін алып шыққанын жеткізген".
Қызылорда облыстық тәртіптік кеңесінің шешімімен Т. Кенжебаевқа, Н. Толеповқа және Б. Курманбаевқа "сөгіс жарияланды".
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті