Баспасөз қызметінің ақпаратына сәйкес, "бірқатар лауазым иелері сотталғандардың 24-сәуірде жаппай өз-өзіне қол жұмсау оқиғасы болғанын толық растады". "Науқастарды тіркеу журналдары мен медициналық карталарды мұқият зерттеу нәтижесінде тексеру барысында 2007-жылдың 25-сәуірінде ЗК-169/5 мекемесінің медициналық-санитарлық бөліміне сотталған 11 адамның көмекке жүгінгені белгілі болды",- деп хабарлайды прокуратура. Баспасөз қызметінің түсініктемесіне сәйкес, түрме әкімшілігі мен медициналық-санитарлық бөлім қызметкерлері сотталғандардың жаппай өз-өзіне қол жұмсау дерегін жасыру үшін журналдар мен медициналық карталардың беттерін жұлып алған немесе жапсырып қойған.
Прокуратура түрменің лауазым иелерінің үстінен ҚР Қылмыстық кодексінің (қызметтік өкілеттілігін асыра пайдалану) жөніндегі 307-ші және (қызметтік жалғандық) жөніндегі 314-ші баптары бойынша қылмыстық іс қозғады. Облыстық ІІД-іне оқиғаны тексеруге тапсырма берілді.
ЗК-169/5 мекемесінің басшылығы ҚР Әділет министрлігі қылмыстық-атқару жүйесі комитетінің бұйрығымен қызметтен шеттетілді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті