Бұл байрақты бәсекеде Астана, Алматы қалалары мен еліміздің бірқатар өңірлерінен келген 100-ге жуық спортшылар күш сынасты.
Бес күнге созылған жарыс швейцарлық жүйе бойынша өткізілді. Онда Павлодар облысының командасы 30,5 ұпаймен бірінші орынға шықты. Екінші орын еншісінде 27,5 ұпай бар сырбойылық спортшыларға бұйырды. Үздік үштікті 25,5 ұпаймен Оңтүстік Қазақстан облысының тоғызқұмалақшылары тиянақтады.
Жекелей сында қызылордалықтар Әсел Дәлиева чемпион атанса, Фарида Әуесбаева екінші, Ақторғын Қошқарова үшінші орын алды.