Ауыл шаруашылығы министрінің айтуынша, қазір біздің диқандар өнімін өткізе алмай отыр екен. Яғни Ресей нарығы отандық фермерлер үшін үлкен мүмкіндік болмақ. Ресми Мәскеу 1 қаңтардан бастап Түркиядан тасымалданатын құс етімен қатар көптеген көкөніс пен жеміс-жидекке тыйым салды. Айта кетсек, Түркия әуе кеңістігін бұзған Ресейге тиесілі ұшақты атып түсірген соң екі елдің қарым-қатынасы шиелінісіп кетті. Осының кесірінен Ресей арқылы Орталық Азияға өтетін жүк көліктері де зардап шегіп отыр. Қазақстанға тиесілі 80-ге жуық көлік көрші ел шекарасынан өте алмай қаңтарылып тұр.
Loading...