Пауэрлифтингтен әлем және Еуропа чемпионы ресейлік Андрей Драчевті Хабаровскіде өлтіріп кетті деп хабарлайды Baq.kz ақпарат агенттігі lenta.ru- ға сілтеме жасап.
Баспасөз мәліметтеріне қарағанда, спортшы бір дәмхананың алдында мас бұзақымен жанжалдасып қалған. Артынша бір топ жас келіп Драчевті аяусыз соққыға жыққан. Жедел жәрдем зардап шегушіні аурухана жеткізгенмен, ол реанимация бөлімінде қайтыс болды.
Шілде айында Байкал жағасында еркін күрестен Еуропа чемпионы 20 жастағы Юрий Власконы өлтіріп кеткен болатын. Тергеу деректері бойынша, Бурятия астанасында өткен жарыстан соң бірнеше спортшы Байкалға демалуға барған. Түн ішінде маңайдағы ауыл тұрғындарымен арада жаппай төбелес болып, белгісіз біреу Власконың кеудесінен пышақ салып жіберген.