Қорғаныс министрлігі ресейлік зымырандардың елімізде жүргізіліп жатқан сынақтарына қатысты Мәжіліс кулуарында түсініктеме берді, деп хабарлайды Caravan.kz медиа порталы Azattyq Ruhy-на сілтеме жасап.
Қорғаныс министрінің орынбасары Шайх-Хасан Жазықбаев мұндай сынақтар Қарағанды және Жамбыл облыстарында орналасқан «Сары-Шаған» полигонында жүргізіліп жатқанын айтты.
«Зымырандардың ұшу қашықтығы 200 шақырымға жетеді. Бұл полигонда инфрақұрылым да, халық та жоқ», - деді ол.
Қорғаныс министрінің орынбасары Шайх-Хасан Жазықбаев Қазақстан бойынша барлығы ресейлік 900 әскер (адам - авт.) бар екенін айтты.