Бұл туралы ҚазАқпарат хабарлады.
Парламент Мәжілісінің жалпы отырысында депутат Артур Платонов еліміздің азаматтарының мүлкіне қатысты Ресей аумағында жасалған 42 қылмыстық іс тергеліп жатқанын атап өтті. Атап айтқанда, алаяқтық жолмен және ақпараттық технолгияларды пайдалану арқылы банк шоттарынан қазақстандықтардың ақшасы жымқырылған. «42 қылмысқа тоқталсақ, шынымен де ҚР Ішкі істер министрлігі тарапынан Ресей аумағында жасалған қылмыстық іс тергеп жатыр. Бұл қылмысқа күдікті алаяқтар анықталмай жатыр. Олар желідегі жалған жарнамалық мүмкіндіктерді пайдалана отырып, біздің азаматтардың шоттарына қол жеткізіп жүрген. Осы орайда электронды тәсілдермен қазақстандықтардың ақшасын Ресей аумағына аударған, шамамен 200 миллионға жуық. Менің білуімше, бұл қаржы Мәскеу, Санк-Петербор, Уфа және бірнеше қаланың аумағанды шығарылып алынды. Біз Минск конвенциясына сәйкес, банктерде ақшаны шығарып алған адамдарға қатысты видеоны ұсыну туралы сауал жолдадық», - деді Марат Қожаев. Оның атап өтуінше, бұл бағыттағы рәсімдер бірнеше айға созылуда. «Келісу рәсімдері біздің органдар арасында өткенше, кейін ҚР Бас прокуратурасы арқылы, сондан кейін РФ Бас прокуратурасынан өткізілгенше, яғни бұл атқарылатын жұмыстар шамамен екі айға жалғасады. Өздеріңіз білесіздер, осы уақыт ішінде видео материалдарды сақтау мерзімі өтіп кетеді. Қазіргі кезде кейбір фактілер бойынша қажетті видео-жазбалар сақталмағаны хабарланды. Сондықтан бүгін Мәжілісте қаралған құжат осы тектес мәселелерге жедел әрекет етуге мүмкіндік береді», - деді М. Қожаев. Айта кетейік, бүгін Парламент Мәжілісінің жалпы отырысында «ТМД-ға қатысушы мемлекеттердің ақпараттық технологиялар саласындағы қылмыстармен күрестегі ынтымақтастығы туралы келісімді ратификациялау туралы» заң жобасы мақұлданды.