Кездесу барысында 2011 жылы Алматы қаласында өтетін жетінші Қысқы Азия ойындарына дайындық мәселесі талқыланды.
Сонымен бірге, тараптар Қазақстан мен Кувейт арасындағы екі жақты қарым-қатынастардың үлкен деңгейі бойынша пікір алмасты.
"Саясат, экономика, сауда, мәдени- гуманитарлық салалардағы ынтымақтастықты жаңа деңгейге көтеретін мезгіл жетті. Біз жуық арада Кувейттің Қазақстандағы елшілігін ашуды жоспарлап отырмыз"- деді кездесу барысында Шейх Ахмад Әл-Фахад Әл-Сабах.
Мысалы, Кувейт кәсіпкерлері Қазақстанда негізінен энергетика саласында белсенді жұмыс істеп жүр.
К.Мәсімовтің айтуынша, "тек қана энергетика саласында емес, экономиканың өзге де салаларында Қазақстан-Кувейт бірлескен кәсіпорындардың санын арттыру қажеттігі туындап отыр".
Кездесу соңында үкіметі басшысы К.Мәсімов Кувейт елінің премьер-министрін Қазақстанға келіп қайтуға шақырды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті