Бұл туралы Caravan.kz медиа порталы Sputnik.kz-қа сілтеме жасап хабарлайды.
"Алдағы республикалық референдумға мемлекеттік бюджеттен 16 миллиард 460 миллион теңге бөлінеді. Бұл есептеулерді Орталық сайлау комиссиясы ұсынды. Біз бүгін бұл шешімді үкімет қаулысымен қабылдадық", - деді Жамаубаев Sputnik Қазақстан тілшісіне үкімет кулуарында.
Еске салсақ, республикалық референдум биыл 5 маусымда өтеді. Қазақстан Конституциясының 33 бабына түзетулер енгізу көзделіп отыр. Үгіт жұмыстары 4 маусымда сағат 00.00-де аяқталады. Референдумның алдындағы күні және референдум өткізілетін күні үгіт жүргізуге тыйым салынады.