2008 жылдың 21 наурызында Алматы қалалық өңірлік қаржы орталығының арнаулы сауда алаңында осы агенттік "Листингтік емес бағалы қағаздар" секторында айналымға шығарған "Хабар" агенттігінің KZ1C34560017 қарапайым акцияларының арнаулы сауда-саттығы өтті.
Агенттік ақпаратына сәйкес, "Хабар агенттігі" АҚ-ның 570 848 дана қарапайым акцияларынан тұратын пакеті саудаға салынды, бұл шығарылған және саудаланған жалпы акциялар көлемінің 49,99%-ын құрайды. Бұл қоржынды "Самғау" Ұлттық-технологиялық холдингі" АҚ Қазақстан қор биржасы жүйесінде жүргізілген арнаулы сауда-саттықтар ережесіне сәйкес бәсекелі сауда барысында бір лотпен сатып алды.
""Самғау" Ұлттық-технологиялық холдингі" АҚ -ның "Хабар агенттігі" АҚ-ның акцияларын сатып алуы холдингтің тіке интеграциялы ақпараттық-технологиялық компания құру жөніндегі стратегиясының бір бөлігі болып табылады", - деп мәлімдейді "Хабар" агенттігіндегілер.
"Хабар агенттігі" АҚ эфирлік "Хабар", "Еларна", ұлттық спутниктік "Caspionet" телебағдарламасы мен "Радио Хабар" радиобағдарламасын меншіктенеді.