Баспасөз қызметінің ақпараттарына сүйенсек, Семей орманы" табиғи резерватының Жаңа-Семей бөлімшесінің табиғи орман шаруашылығы аумағынан 75 қарағай кесілген.
Бесқарағай аудандық ішкі істер бөлімінің полицейлері жедел - алдын-алу шаралары барысында Семейдің 42 жастағы тұрғынын құрықтаған. Ол қарағайларды кескеннен кейін ағаш материалдарды тілгізу үшін ағасына жеткізген. Полицейлер сондай-ақ, осы ағаш тілгіштен 1530 бірлік кесілмеген тақтай мен 316 дөңбек тәркілеген.
"Орманшылардан жауап алу барысында, аталмыш орман аймағы Семейден небәрі бір жарым шақырым жерде орналасса да, соңғы екі айда тексерілмегендігі белгілі болды",- деп атап өтті баспасөз қызметінің басшысы Лариса Поломошнова. Аталмыш дерек бойынша тергеу жұмыстары жүргізіліп, келген шығынның көлемі анықталуда.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті