Бұл туралы Caravan.kz медиа порталы хабарлайды.
Бұл туралы ол өзінің желідегі парақшасында мәлімдеді.
"Жазда 58 жастағы таныс апаймен сөйлескен едім. «Қалайсыз? Жұмыс істейсіз бе?» — дедім.
«Жоға… мені еш жер алмайды, жасым өтті…» — деді. Қалайша, деп ойладым. Сондай белсенді, ұқыпты… бірақ, кімге керек ол…
Сонда ойға қалдым. Біз – жасы үлкенге құрмет көрсетуді басты ерекшелігі еткен халықпыз.
Бірақ бұл қатынас… нақты анықтама табу қиын. Өздеріңіз түсінесіздер, белгілі бір жасқа жеттің – болды, сен Құрметтісің, Данасың, Ақсақалсың, орның да – ТӨР. Отбасылық отырыста да, тойда да солай.
Сондықтан ата-анамыз немен айналысады деп сұраса, біз көбіне: «тойға барады» деп жауап береміз. Яғни сен өмір арнасында емес, одан жоғарысың.
Әрине, бәрі жаман емес. Қарттарымыз жақсы өмір сүреді, Сенатта да, Мәжілісте де отыр. Қуатты біздің қариялар. Бәрі тамаша: ойы сергек, көзі нұрлы.
Бірақ мен басқалары жайлы айтқым келеді — санитарка, медбике, фабрика жұмысшылары. Жасы 60-қа таяғанда олар кенеттен қажетсіз болып қалды. Өйткені өздері де сезеді — жастардай істей алмайды, үнсіз шетке шығуға мәжбүр.
Айта кетейін, елімізде тамаша күміс жас клубтары жұмыс істейді. Менің ағам Мұкеев Ниғмет күн сайын сонда: спорт, би, тіл үйрену. Бұған акиматтарға алғыс айтқым келеді.
Бірақ мен, Астана қаласы Әйелдер және Отбасы істері жөніндегі комиссияның мүшесі ретінде,
зейнетке шықпаған, бірақ жұмыс табуда қиындық көріп жүрген адамдар мәселесінің өзектілігін ерекше атап өткім келеді. Және Еуропа тәжірибесі туралы аз-кем.
1. Қайта даярлау бағдарламалары
Мемлекет егде жастағы қызметкерлерді қолдайды: оқуды, курстарды, цифрлық сауаттылықты қаржыландырады.
2. Дискриминациядан қорғау
ЕО елдерінде эйджизм заңмен қатаң тыйым салынады. Жұмыс беруші жасты себеп етіп бас тартса, айыппұл салынады.
3. Әлеуметтік белсенділік
Үлкен буын волонтерлікке, жергілікті өзін-өзі басқаруға, хобби-клубтарға кеңінен тартылады. Бұл денсаулық пен өзін-өзі бағалауға оң әсер береді.
4. Икемді жұмыс кестесі және қашықтан жұмыс
Егде қызметкерлерге қолайлы жағдай жасалады: жартылай жұмыс күні, үйден жұмыс істеу, кеңесшілік қызметтер.
Еуропада кәрілік — оқшау қалу емес, жаңа белсенді кезең. Жас — минус емес, құрмет пен тәжірибе. Үлгі алуға тұрарлық", - деп жазды ол.