Серік Жұманғарин Invest Hong Kong бас директоры Альфа Лаумен кездесті

Бұл туралы Caravan.kz медиа порталы primeminister.kz-ке сілтеме жасап хабарлайды.

Серік Жұманғарин Қазақстан Гонконгтың инвестициялық ынтымақтастықты арттыруға деген ұмтылысын жоғары бағалайтынын атап өтті. Ол Гонконгтың Азияның жетекші қаржы, технологиялық және сауда орталығының бірі екенін, экономикалық реформаларды табысты іске асыру мен тиімді нарықтық тетіктерді енгізудің жарқын үлгісі екенін атап өтті.

Өз тарапынан Альфа Лау Қазақстанның ҚХР мен Гонконг АӘА үшін сенімді инвестициялық әріптес қана емес, сонымен қатар Орталық Азия нарығына шығуға жол ашатын стратегиялық хаб ретіндегі маңызды рөлін атап өтті. Оның айтуынша, Гонконгтың көптеген компаниялары, атап айтқанда қаржы секторы Қазақстанға жоғары қызығушылық танытуда. Ынтымақтастықты дамыту, соның ішінде Гонконгтың әлеуетін Оңтүстік Азия нарығына шығу платформасы ретінде пайдалану екі тарап үшін де өзара тиімді.

Invest Hong Kong басшысы ұйымның қызметін таныстырып, жүзеге асырылып жатқан шетелдік инвестиция тарту саясаты туралы әңгімеледі. Кездесу барысында тараптар экономиканың нақты секторына инвестиция тартуды көздейтін Қазақстанның проактивті экономикалық өсу саясатын іске асыру контекстіндегі перспективалық өзара іс-қимыл туралы талқылады.

Анықтама:

Invest Hong Kong (InvestHK) — шетелдік инвестиция тартуға жауапты Гонконг АӘА үкіметінің құрылымы. Ұйымның миссиясы стратегиялық маңызды шетелдік және материктік компаниялардың Гонконг нарығына шығуына жәрдемдесу арқылы Гонконгтың Азияның жетекші халықаралық іскерлік және қаржы орталығы ретіндегі позициясын нығайту.

InvestHK-тің 33 елде шетелдік өкілдігі мен өкілдері бар. 2022 жылғы шілдеде Алматы қаласында ұйымның аймақтық өкілдігі ашылған болатын.