Оқиға Жамбыл ауданындағы орта мектепте жаңа оқу жылының басында болған еді. Математика пәнінің мұғалімі сабаққа дайындықсыз келген балаға қол жұмсап, маңдайына қаламмен «екі» деп жазып берген. Кейін оқушының ата-анасы ұстазды сотқа беріп, бір миллион теңге моральдық шығын өтеуді талап еткен-ді. Алайда сот айыпты адамның жүкті екенін ескеріп, бір жарым жылға оның бостандығын шектеу туралы үкім шығарған. Сондай-ақ баланың ата-анасына 60 мың теңге төлеуі тиіс. Қазір Қымбат Әсемжанова мен мектеп директоры жұмыстарынан қуылған.