Ерлер құрамасының аға бапкері Сергей Тишковтың айтуынша, 7-қысқы Азия ойындарынан кейін спортшылардың бәрі туған жерлеріне оралып, дайындықты жеке-дара пысықтады. Жалпы 24-і күні Ослодада жалауы көтерілетін Әлем чемпионатында ел намысын ерлер мен әйелдер арасында алты-алтыдан 12 спортшы қорғамақ. Олар - Алексей Полтаранин, Николай Чеботько, Сергей Черепанов, Денис Волотко, Евгений Величко, Евгений Кошевой және Светлана Малахова, Елена Коломина, Татьяна Рощина, Оксана Яцкая, Анастасия Слонова, Марина Матросова.
«Бұл дүбірлі додада ерлер арасындағы жарыста 15 шақырымдық классикада А. Полтаранин мен Н. Чеботькаға үміт артылып отыр. Онда үздік үштікке, эстафеталық сында алтылыққа ену жоспарлануда. Ал әйелдер командасы олардан әлсіздеу сондықтан сегіздікке енсек жаман болмас еді», дейді Сергей Васильевич. Оның сөзіне қарағанда, команда Әлем чемпионаты қарсаңында сондай-ақ, 19-20 ақпанда Әлем кубогының кезеңдің жарысында да бақ сынайтын болады.