Мысыр билігі Қызыл теңіз жағалауында орналасқан туристік Шарм-эш-Шейх қаласында коменданттық тәртіпті алып тастау туралы шешім қабылдады.
Оңтүстік Синай провинциясының қауіпсіздік қызметі бастығы Махмуд әл-Хафнауидің айтуынша, армия мен полиция қаланың қауіпсіздігін қамтамасыз етіп отыр.
Сонымен қатар, ол қалада зорлық-зомбылық актілері немесе үкіметке қарсы манифестациялар болмағанын атап өтті.
Мысыр билігі кеше кешқұрым 14 провинцияда коменданттық сағат енгізген болатын. Қатаң тәртіп Каир, Гиза, Александрия, Бени-Суэйф, Эль-Минья, Асьют, Сохаг, Бухейра, Солтүстік Синай, Оңтүстік Синай және Суэц провинцияларында енгізілді.