Ұйымдасқан қылмыстық топтың құрамында түрлі мекеменің қызметкерлері бар, деп хабарлайды Zakon.kz.
КТК дерегіне сүйенсек, погондылар іс-шарасында 28 жерде тінту шарасын жүргізген. Нәтижесінде ондаған шетел азаматының төлқұжаты, ұйымдастыру техникалары, байланыс құралдары, түрлі бланктар мен жалған еңбек шарттары тәркіленді. Сондай-ақ ірі көлемдегі ақша мен тіркелмеген қару да анықталған.
Қылмыстық топты ұйымдастырушы делінген бір азамат қамауға алынды. Заңсыз көші-қонға қатысы бар тағы 13 адам полицияға жеткізілді. Ақшалай сыйақы үшін шетелдіктерді оңды-солды кіргізгендерге қатысты тергеп-тексеру басталды.
Бұған дейін халықаралық іздеуде жүрген танымал блогер Қайсар Қамза Вьетнамда ұсталғанын жазғанбыз.