Бөлінген мұз өзен ағысымен төменге қарай аққан, сол себепті балалар жағаға секіруге қауіптенген. Осы кезде оқиғаны көзбен көргендер құтқару қызметіне хабар беріпті.
«Суда құтқару қызметіне хабарлама 17.55-те түсті. Ал 18.15-те құтқарушылар балаларды аман-есен жағаға алып шыққан. Орташа есеппен алғанда құтқару жұмысына 10-15 минут кеткен», - деді ШҚО ТЖД суда құтқару қызметінің бас инструкторы Анатолий Рыжков.
Айта кетерлігі, мұз үстінде қалған балалардың жасы 11 мен 15 аралығында.
«Бәрі сәтті аяқталғаны қуантады. Құтқарушылар дер кезінде жетіп, өз жұмыстарын шұғыл орындады. Мұндай жағдайларда бәрі өте жылдам өтеді. Мұз сеңі жарылып кетіп, суға түсіп кетсе, адам денесі суық суда бірнеше минут тұра алмас еді», - дейді А.Рожков.