Нұрсұлтан Назарбаев Қоры бұл күндері тегін өткізетін шеберлік дәрістері мен тренингтер, журналистика, шешендік өнер, музыка, IT және т.б.салада құнды білім беруге бағытталған.
12 қазан күні сағат 10.00-ден бастап «Талант №1» жекеменшік орта мектебінде (Жангелдинкөшесі, 13) пікірталас бойынша тренингтер жалғасады.
Сағат 10.00-ден бастап осы мектепте оқытушы-робототехниктерге арналған спорттық робототехника бойынша оқыту курсы өтеді. Курсты еліміздегі жетекші спорттық робототехника мектептерінің бірі – «Роботек» мектебінің мамандары жүргізеді.
Сағат 14.00 -де М.Әуезов атындағы Оңтүстік Қазақстан университетінде (Тәуке хан даңғылы, 5) пиар-маман және қоғаммен байланыс жөніндегі менеджер Оксана Әубәкірова «БАҚ үшін материалдарды кәсіби түрде дайындау және әлеуметтік желілерде таратудың ерекшеліктері» атты шеберлік дәріс өткізеді.
Сағат 16.00-ден бастап музыкалық колледжде (Октябрьская көшесі, 30) «Астана Опера» мемлекеттік академиялық опера театрының опера труппасының жетекші солисі, Нұрсұлтан Назарбаев Қорының лауреаты Татьяна Вицинскаяның шеберлік сыныбы өтеді.