Осы мақсатқа қала бюджетінен 8 миллион теңге бөлінді. Мердігер мекеме Wi-Fi қондырғыларын қаланың 6 саябағына орнатып шықты. Енді шымкенттіктер мен шаһар қонақтары «Абай», «Тәуелсіздік», «Жеңіс», «Орталық» саябақтары мен «Нұрсәт» және «Жастар» аллеясында секундына 8 Мегабит жылдамдықта жұмыс істейтін сымсыз жүйенің қызығын көре алады.
Демалыс орындарының әрқайсысында ғаламторды 300-ден мыңға дейін адам пайдалануға мүмкіндік бар. Бұл игі бастамаға әсіресе студенттер мен блогерлер қуануда. Әзірге тегін қызмет желтоқсан айының соңына дейін жалғасады. Келер жылы да бұл бастама аяқсыз қалмайды деп сендірді әкімдіктегілер.