Шымкентте жол апатынан 16 жастағы скутер жүргізушісі көз жұмды, деп хабарлады Caravan.kz медиа-порталы.
Оқиға 9 қараша күні сағат 19:40 шамасында Мұғалжар мен Алпамыс батыр көшелерінің қиылысында болған.
Polisia.kz сайтының мәліметінше, Zhweki скутері мен Kia Optima көлігі соқтығысты.
«Салдарынан скутердің кәмелетке толмаған жүргізушісі оқиға орнында көз жұмды. Іс бойынша тиісті сараптамалар тағайындалды. Сотқа дейінгі тергеп-тексеру жүргізіліп жатыр», – делінген хабарламада.