Республикашыл католиктер Солтүстік Ирландияның Ұлыбританиядан бөлініп, Ирландияға қосылуын қалайды. Осы мақсатта ұйымдастырылған кезекті шеруге, ағылшындардың құрамында қалғысы келетін протестанттар кедергі жасамақ болыпты. Қақтығыс кезінде тараптар бір-біріне тас атып, таяқ қолданған. Араға түскен полиция қызметкерлеріне де оңай болған жоқ. Жаппай тәртіпсіздік кезінде 4 офицер ауыр жараланып, ақыры шерушілерді таратуға су атқыштар қолдануға тура келген. Протестанттар мен католиктер 1998-ші жылы күш қолданбау туралы бейбіт келісімге келгенімен, ара кідік осындай қақтығыстар болып тұрады.