Биылғы жылы Қазақстандағы түрмелерден екі тұтқын қашып кеткен. Бұл туралы ІІМ Қылмыстық-атқару жүйесі комитеті төрағасының орынбасары Жанат Кешубаев мәлім етті.
«Өткен жылы қамаудан үш адам қашқан, биыл осындай тағы екі факті тіркелді», - деді ол дүйсенбідегі брифингте.
«Қалай болғанда да бұл біздің кінәміз.
Өйткені, бейне-бақылау, дабыл жүйесі, инженерлік-техникалық құралдар дер кезінде іске қосылып, ескертуі тиіс болатын», - деді Ж.Кешубаев.
«Қазір бұл бағыттағы жұмысты жетілдіріп жатырмыз», - деді комитет төрағасының орынбасары.
Дегенмен ол «кейде сотталғандардың қулығын асыратынын да жоққа шығармады».