Карина Абдуллина - үш ұрпақтан бері келе жатқан кәсіби музыкант. Каринаның атасы Ришат Абдуллин егіз інісі Мүсілім Абдуллинмен бірге өнер көрсеткен бір кездері Қазақстандағы опера өнерінің негізін салушылардың бірі болған, деп хабарлайды Caravan.kz Нұрсұлтан Назарбаев Қорына сілтеме жасап.
Әнші 6 жасынан бастап Күләш Байсейітова атындағы дарынды балаларға арналған мектепте білім алған. Алғашында ол тек классикалық музыканы оқыды, бірақ 12-13 жасында заманауи музыкаға қызығушылық танытты. Карина өмірін сахнамен байланыстырғанына ешқашан өкінген емес. Ол ешқашан ешкімге еліктеуге тырысқан емес, өзіндік стилі мен өзіндік бейнесін тапқан. Бұл оның бірегейлігі. Ал «Музикола» дуэтінде ұзақ жылдар бірге жарқыраған Болат Сыздықовпен кездесуі шығармашылықта басты рөл атқарды.
«Біз бір-бірімізді керемет түрде толықтырдық. Болат менің өмірімде ешқашан жалықпаған жалғыз адам болды. Ол кеткеннен кейін менде түбі жоқ саңылау пайда болды - мен үшін ешқашан ештеңемен толмайтын үлкен бос кеңістік», - дейді Карина.
Ынтымақтастық жылдарында Карина мен Болат Қазақстанда және одан тысқары жерлерде миллиондаған жүректерді жаулаған 105 түпнұсқа композицияны жазды.