Стамбұлдан келген ұшақты тексеру кезінде, жалпы салмағы екі тоннадан асатын құндыз ішіктер мен қыстық киімдер, тіпті шұлық та табылған. Кеденшілер тауар Түркиядан жеткізілген, әрі қапталған киім-кешекті тәркілеу кезінде оның иесі табылмады деп отыр. Тек тауар қожайындары қылмыстық іс қозғалып, тексеру басталғанда төбе көрсеткен. Кәсіпкерлер: «декларация толтыруды ұмытып кетіппіз» -деп түсініктеме беріпті.
Құдайберген Рысдәулет, Жамбыл облысы бойынша Кедендік бақылау департаментінің бөлім бастығы:
- Тауарлар Стамбұл-Тараз бағытындағы жүк ұшағының жүк сақталатын бөлігіне қойылған. Сараптама қорытындысы бойынша тауардың жалпы салмағы-2 тонна 470 кг-ға жуықтайды. Қазіргі уақыттағы тауарлардың кедендік құны 19 млн. 500 мың теңгеден асады.