Қайғылы жағдай Тараз-Сарыкемер тас жолы бойында орын алған. «Мерседес» пен «Газ-53» көлігі бетпе-бет соғылыпты. Оқиға орында жеңіл машинаның жүргізушісі мен ондағы 4 жолаушы қаза тапты. Бақилық болғандардың барлығы өрімдей жастар. Арасында бір жасқа толмаған сәби де бар. Тағы бір жолаушы мен жүк көлігінің жүргізушісі ауруханаға түскен. Соңғысының жағдайы ауыр, ес-түссіз жансақтау бөлімінде жатыр. Алғашқы болжам бойынша апатқа «Газ-53»-ті басқарған азамат кінәлі деп танылған. Ол тізгінге ие бола алмай қарсы бағытқа шығып кетіпті.